呢個⋯⋯唔係一個灰姑娘的故事！
呢個可能你同我嘅故事⋯⋯
返工返得唔開心，明明公司好好、同事好好、工作好好、但我做得唔開心⋯⋯
點解呢？我不斷問自己⋯⋯
十幾年嘅工作生涯，做過好多份工，畢業後就入報館雜誌社做嘅我，曾經係一位識畫插畫嘅平面設計師；隨住紙媒業式微、萎縮、倒閉，我同都係做傳媒業嘅老公係2016年拎住筆遣散費去玩足3個月，玩完後兩個都要都要轉行，體驗了全新的工作模式，公司好、同事好、工作好，但我唔滿足⋯⋯總係無動力返工⋯⋯
機緣巧合下，有朋友介紹我入響往以久的公司工作，公司好、同事好、工作好、連公司的理念都好好，為世界服務，但我都係做得唔開心，越做越氣餒，會自責自己做得不好，好想尋找原因⋯⋯
無意間，我見到有個關於阿卡西紀錄的廣告，被內容吸引咗！！
內容寫住可以透過解讀知道自己的天賦係咩、有咩潛能、人際關係同人生課題等等樣樣都可以知答案！
咁勁？我諗咗幾十年唔知嘅嘢都可以知？
然後我找了解讀師問半小時問題，問點解返工返得咁唔開心⋯⋯
原來我是個在城堡地牢掃地嘅下人
解讀師同我的高我連結後，她講咗個故仔我聽⋯⋯
故仔內容：
有位下人係城堡地牢中掃地，佢要聽好多人嘅吩咐，每樣工作都盡量做得好小心，好怕出錯。好多人不斷掉垃圾比佢處理，縱然心心不忿，佢都唔會出聲，因為佢覺得自己只係一個下人，要硬食，唔可以出聲反抗。
天使出現，比咗個擁抱呢位下人，然後同佢講：「你唔使驚，唔使唔開心，因為我哋好欣賞你積極嘅態度，你願意承擔責任，做好本份，你要讚下自己，唔好迫得自己太緊，唔使太在意別人睇法，你要多啲肯定自己，尊重自己！如果別人叫你做嘢但不尊重你，是因為你也不尊重自己，容許別人這樣對你，所以你只會越來越卑微，這是你要修正的地方。」 天使送了一粒清澈的白水晶比下人，叮囑佢要保持水晶純度，然後天使走了。
下人望住水晶，突然自己變成透明，變到同水晶一樣透澈，心位置有少少裂縫。
解讀師說：呢度裂縫表達需要你為自己做啲治療自己嘅工作，修復個心。要耐性去修復才能無裂痕，可以比自己放個假，重新注入能量，對自己放下批判，放下覺得自己一事無成，做得唔好嘅批判⋯⋯
不用理會其他人的眼光，因為人生是你的！
人生就像旅行，要不停去唔同地方探索，唔需要只停留一個點，要離開再出發！
⋯⋯⋯⋯
故事完了⋯⋯我不斷流淚，我太自責了！太自卑了！要原諒這個部分的自己！
過了幾天，出門前收到強烈嘅聲音講：你今日好同我辭職！
返到公司，諗咗半日，開完一個令我好煩燥的會議後，我決定辭職！我要過不一樣的人生！
經過3個月的沉澱、療癒傷痛、斷捨離舊有的人事物及模式，我重新起身，再次發光發亮！
願對現況迷惘嘅你哋都能夠重新尋回力量；
願所有困在過去創傷、及人生課題嘅你都能夠揾到解決方法！
補充返：
阿卡西紀錄解讀的方式有好多種，呢個故仔唔代表係我真實狀況，只係個故事以喻意形式去觸動個案的心靈，觸發佢嘅改變，向好的方向改變！
其實我算好幸福，身邊人個個對我好好，無乜人當我係下人㗎！
只係我自己不斷跌入呢個責備自己嘅圈入面，只懂聽命令，不懂去創造，以下人的模式困住咗自己⋯⋯
在此我要好好感謝我的上司同事、家人朋友！
請原諒曾經無帶熱情去工作及辜負你們期望的我！
*如果你好鐘意周圍求神問卜，好想了解自己多啲，阿卡西紀錄解會幫到你：）
Commentaires